Uz

Ru

Uz

En

Fr

عر

Baby Step bilan chaqaloqlar salomatligi va parvarishi haqida qayg’uramiz

Farzandingiz sog‘lig‘i va unga qulaylik yaratib berish haqida o’ylash qanchalik muhimligini yaxshi bilamiz. Baby Step mahsulotlari chaqaloqlarning nozik terisini inobatga olgan holda ishlab chiqarilgan bo‘lib, kunning istalganvaqtida muloyim parvarish, ishonchli himoya va yuqori qulaylikni ta’minlaydi.

Salomatlik va parvarish

Teridagi qizarishi nima sababdan paydo bo‘ladi? Tagliklardan to‘g‘ri foydalanish qoidalari

Teri qizarishi nima sababdan paydo bo‘ladi? Tagliklardan to‘g‘ri foydalanish qoidalari.
Terining qizarishi — chaqaloqlarda tez-tez uchraydigan muammo. Ko‘pchilik ota-onalar bunga tagliklarni aybdor deb hisoblaydi, ular ostida go‘dakning terisi bug‘lanib, yallig‘lanadi deb o‘ylashadi. Ammo pediatrlarning ta’kidlashlaricha, tagliklardan to‘g‘ri foydalanilsa va bola terisi ehtiyotkorlik bilan parvarish qilinsa, bu muammoning oldini olish mumkin.

Teri ta’sirlanishining sabablari.

Terining qizarishi ko‘pincha chaqaloq terisiga siydik va axlat ko’p tegib turishi natijasida paydo bo‘ladi. Axlat parchalanib, ta’sirlovchi xususiyatga ega bo‘lgan ammiak ajratib chiqaradi. Bolalarning terisi kattalarnikidan tubdan farq qiladi. U nozikroq, quruqroq va deyarli himoya moyisiz bo‘ladi. Shuning uchun ham u juda oson shikastlanadi. Bola haddan tashqari issiq kiyintirilganda yoki atrof-muhit harorati yuqori bo‘lganda ahvol yanada yomonlashadi. Teri bug‘lanadi va nisbatan sezuvchanroq bo‘

Terining qizarishiga sabab bo‘luvchi boshqa omillar:

- yuvilgandan so‘ng terini yaxshi quritmaslik,

- gigiyenik muolajalarni (yuvinish, cho‘milish) yetarlicha tez-tez bajarmaslik,

- terining taglik yoki yo‘rgakka ishqalanishi.

Allergiyaga moyil yoki endokrin tizimi buzilgan chaqaloqlar xavfli teriga ega hisoblanadi.

Tagliklardan foydalanishdagi muhim jihatlar.

Bir martalik taglikning o‘zi terining qizarishiga sabab bo‘lmaydi. Aksincha, u siydikni shimib olib, terini quruq va sog‘lom saqlashga yordam beradi. Muammo taglik noto‘g‘ri tanlanganda yoki noto‘g‘ri ishlatilganda paydo bo‘ladi.
Ichki qatlami dag‘al va namni yomon shimadigan sifatsiz tagliklar dermatit rivojlanish xavfini oshiradi. Bunday tagliklar go‘dakning nozik terisini qizdiradi va siydik ajralgandan keyin ham ho‘l bo‘lib qolaveradi. Shuning uchun pediatrlar tagliklarni tanlashga alohida e’tibor berishni maslahat beradilar. Ularning ichki qatlami yetarlicha yumshoq, namni yaxshi shimadigan bo‘lishi juda muhim.
Bola gigiyenasini to‘g‘ri yo’lga qo’yish ham muammolarning oldini olishga yordam beradi. Tagliklarni har 3-4 soatda, har bir defekatsiyadan so‘ng va sayrdan oldin almashtirish tavsiya etiladi. Faqat tungi uyqu bundan mustasno, chunki bu paytda chaqaloq kunduzgiga qaraganda kamroq siydik ajratadi.

Teridagi qizarishi nima sababdan paydo bo‘ladi?
Tagliklardan to‘g‘ri foydalanish qoidalari

Bolani to’sish yoki tagliklardan foydalanmaslik. Afzalliklar va kamchiliklar

Bir martalik tagliklar va bepushtlik – afsonalarni yo‘qqa chiqaramiz

Biz burunni tozalaymiz, Tirnoqlarni olish, tagliklarni almashtiramiz-hamma narsani qanday qilib to'g'ri bajarish kerak va bolaga zarar bermaslik kerak?

"Stul" (hojat) haqida bilishingiz kerak bo‘lgan ma’lumotlar

Taglikni yechish usuli:

Taglikdagi “lipuchka”larni oching va uni ehtiyotkorlik bilan ichkariga burashni boshlang. Chaqaloqning oyoqlaridan ushlab, uni asta ko‘taring va taglikni chiqarib oling. Taglikni o‘rab, “lipuchka”larni yopishtiring.

Har safar taglik almashtirilganda chaqaloqni yuvish kerak. Yuvish harakatlarini oldindan orqaga qarab bajarish lozim — bu jinsiy a’zolar sohasiga iflosliklarning tushishini oldini oladi.

Yuvib bo‘lgach, chaqaloqqa havo vannasi qilinadi. Buning uchun uni yalang‘och holda qorni bilan yotqizib, 5-10 daqiqaga qoldiriladi. Keyin go‘dakning dumbalari va jinsiy a’zolari atrofidagi burmalar bolalar kremi bilan yog‘lanadi va yangi taglik kiydiriladi.

Taglikni kiydirish usuli:

Toza taglikni yoying. Chaqaloqning oyoqlarini ko‘tarib, taglikning orqa qismini uning dumbasiga qo‘ying. Chetlaridagi rezinalarni yaxshilab tekislab chiqing, toki ular bolaning terisini qizdirmasin. Taglikni taqing va u tanaga qanchalik zich yopishganini tekshiring. Chaqaloqning beli va terisi orasida barmog‘ingiz sig‘adigan bo‘sh joy qolishi kerak.

Agar, baribir, terining qizarishidan qutula olmasangiz, mutaxassisga murojaat qiling. Mutaxassis muammoning aniq sababini aniqlaydi va uni bartaraf etish uchun samarali malham tanlashga yordam beradi.

Bolani to’sish yoki tagliklardan foydalanmaslik. Afzalliklar va kamchiliklar

Har bir ota-onaning bolaga dastlabki gigiena ko‘nikmalarini qaysi yoshda singdirish kerakligi haqida o‘z qarashi bor. Kimdir chaqaloq ulg‘ayishini kutsa, boshqasi tug‘ilgan zahotiyoq boshlash kerak deb hisoblaydi. Ularo‘rtasida bolani to’g’ri to’sish usuli (yoki "tabiiy gigiyena" usuli) haqidagi bahslar tinmaydi. Bu usulning mohiyatibolaga taglik ishlatmasdan tabiiy ravishda hojatini qondirishga yordam berishdan iborat. Bundayyondashuvning afzalliklari va kamchiliklari nimada?

To’sish eski va qadrdon usulmi yoki yangicha yondashuvmi?

Darhol ta’kidlash kerakki, "chaqaloqni to’sish" tuvakka o‘rgatish bilan bog‘liq emas. To’sihda bola hojatini qilayotganda, ona uni tog‘oracha yoki vanna ustida ushlab turadi. Bunda asosiy vazifa bolaning istagini o‘z vaqtida payqash va fiziologik jarayonning boshlanishini o‘tkazib yubormaslikdir. Aynan shunday gigiyena usulini uzoq ajdodlarimiz qo‘llagan va hozirgi kunda ham sivilizatsiyaning tagliklar ko‘rinishidagi ne’matlari yetib bormagan Afrika qabilalarining ayollari qo‘llashadi.

Ushlash usuli qo‘llanilgan bolalarni ham boshqalar kabi tuvakka o‘rgatish kerak bo‘ladi. Buning sababi shundaki, bola hayotining dastlabki yillarida beixtiyor hojat qilib yuboradi va faqat 2,5-3 yoshda uning ruhiyati barqaror shartli reflekslarni shakllantirishga tayyor bo‘ladi.

Xo‘sh, unda nima uchun chaqaloqni ushlash to’sish kerak? Ushbu usul tarafdorlari uning afzalliklarini quyidagilarda ko‘radilar:

— Terining qizarishi va ta’sirlanish holati bo’lmaydi. Chaqaloqning terisiga siydik va axlat tegmaydi, shuning uchun yallig‘lanmaydi

— Tejamkorlik. Ushbu usulni muvaffaqiyatli o‘zlashtirgan ota-onalar tagliklarga pul sarflamaydilar.

To’sish usuli tarafdorlari bo’lmaganlar esa bir qator jiddiy kamchiliklarni keltirib o’tishadi

— Chaqaloqni doimo nazorat qilish zaruriyati. Kichkintoyning "signallarini" ilg‘ab olish uchun ona doimo yonida bo‘lishi kerak. Natijada uy-ro‘zg‘or ishlari va ona o’ziga qarashi ikkinchi o‘ringa tushib qoladi. Ayol deyarli butunlay bolaga bog‘lanib qolib, o‘zini hissiy jihatdan holdan toydiradi.

— Bu usulni mehmonda, sayrlarda, jamoat joylarida qo‘llashning imkoniyati yo‘qligi. Kichkintoyni uydan tashqarida to’sish har doim ham qulay emas, ba’zan esa umuman ilojsiz bo’lib qoladi.

— Noqulay vaziyatlar. Ona bolaning xatti-harakatini qanchalik diqqat bilan kuzatmasin, baribir xatolar sodir bo‘ladi. Bundan tashqari, bola ulg‘aygan sari, nafaqat o‘z karavotida, balki ota-onasining to‘shagiga ham, sevimli oilaviy divanga hojatini chiqarib qo’yishi mumkin. Bunday kutilmagan hodisalarga tayyor turish va ularni xotirjam qabul qila olish ushbu usulni qo‘llashning muhim shartlaridan biridir.
Oxir-oqibat, taglik ishlatishni yoki to’sish usulini tanlashni ota-onaning o‘zi hal qiladi. Agar sizda to’sish usulini sinab ko‘rish istagi bo‘lsa, harakat qilib ko‘ring. Ammo bolani tinmay kuzatish sizga og‘irlik qilayotganini his qilsangiz, o‘zingizni qiynamang va sinovdan o‘tgan vositalarini ishlating. Aslida, farzandingiz uchun eng muhimi – bu xotirjam va baxtli ona ekanligini unutmang.

Teridagi qizarishi nima sababdan paydo bo‘ladi?
Tagliklardan to‘g‘ri foydalanish qoidalari

Bolani to’sish yoki tagliklardan foydalanmaslik. Afzalliklar va kamchiliklar

Bir martalik tagliklar va bepushtlik – afsonalarni yo‘qqa chiqaramiz

Biz burunni tozalaymiz, Tirnoqlarni olish, tagliklarni almashtiramiz-hamma narsani qanday qilib to'g'ri bajarish kerak va bolaga zarar bermaslik kerak?

"Stul" (hojat) haqida bilishingiz kerak bo‘lgan ma’lumotlar

Bir martalik tagliklar va bepushtlik – afsonalarni yo‘qqa chiqaramiz

Zamonaviy onalar bir martalik tagliklarni haqiqiy najot vositasi sifatida baholaydilar. Ular bilan chaqaloqqa ham qulay, uyda kir yuvish ham ancha kamayadi. Faqatgina shu o’g’il bolalar uchun tagliklar juda zararli ekanligi yuqorida keltirilgan qulayliklar ommalashishiga halal beradi. Konservativ qarashli kishilar ko‘p qatlamli mahsulotlardan foydalanish bepushtlikka olib kelishi mumkinligini ta’kidlaydilar. Xo‘sh, tashvishlanishga asos bormi?

Haqiqat va yolg‘on

Bir martalik tagliklar va bepushtlik – afsonalarni yo‘qqa chiqaramiz
Zamonaviy onalar bir martalik tagliklarni haqiqiy najot vositasi sifatida baholaydilar. Ular bilan chaqaloqqa ham qulay, uyda kir yuvish ham ancha kamayadi. Faqatgina shu o’g’il bolalar uchun tagliklar juda zararli ekanligi yuqorida keltirilgan qulayliklar ommalashishiga halal beradi. Konservativ qarashli kishilar ko‘p qatlamli mahsulotlardan foydalanish bepushtlikka olib kelishi mumkinligini ta’kidlaydilar. Xo‘sh, tashvishlanishga asos bormi?
Haqiqat va yolg‘on
O‘z qarashlarini himoya qilish uchun tagliklarni xushlamaydiganlar ikkita dalil keltiradilar:

"O‘g‘il bolalarda spermatogenez 30-32°C da sodir bo‘ladi, bundan yuqori haroratda esa bu jarayon to‘xtaydi (moyaklar ’tashqarida’ - yorg‘oqda joylashgani bejiz emas). Bola taglikda bo‘lganida uning jinsiy a’zolari 35-36°C gacha isiydi. Siydik bug‘lanishi tufayli yuzaga keladigan yuqori namlik haroratning yanada ko‘tarilishiga sabab bo‘ladi, ya’ni o‘ziga xos ’issiqxona effekti’ yuzaga keladi. Bularning barchasi spermatogenezning pasayishiga olib keladi".

"So‘nggi 25 yil ichida Yevropada bepushtlikdan aziyat chekayotgan erkaklar soni ko‘paydi. Agar u yerda tagliklar 60-yillarning oxiridan beri qo‘llanilayotganini hisobga olsak, buning sababi aniq ko‘rinib qoladi".

Bu xulosalarning noto‘g‘riligi nimada ekanligini tushunish uchun erkaklar fiziologiyasi sohasiga qisqacha nazar solishimiz kerak.
O‘g‘il bolalarning jinsiy tizimi 8-10 yoshga yaqin rivojlana boshlaydi. Bu vaqtgacha ularning urug‘ naychalari hech narsa ishlab chiqarmaydigan yaxlit iplar ko‘rinishida bo‘ladi. Moyaklarda joylashgan jinsiy hujayralar (Leydig hujayralari) ham dastlabki yillarda faollik ko‘rsatmaydi. Bu 10 yoshgacha bo‘lgan o‘g‘il va qiz bolalar organizmida androgenlar darajasi mutlaqo bir xil ekanligi bilan tasdiqlanadi.




Shunday qilib, tagliklar spermatogenezga hech qanday ta’sir ko‘rsata olmaydi, chunki chaqaloqlik davrida u umuman bo‘lmaydi.
Bundan tashqari, tabiir ravishda ham erkakning jinsiy a’zolari himoya qilingan. Moyaklar 7 ta qobiq bilan o‘ralgan bo‘lib, ular termos tamoyiliga ko‘ra ishlaydi va ularni haddan tashqari sovishdan ham, qizib ketishdan ham himoya qiladi.


Agar erkaklarda bunday haroratni boshqarish mexanizmi bo‘lmaganda edi, issiq tropik hududlar aholisi nasl qoldira olmasdi.


Biroq, bir martalik tagliklarning "issiqxona effekti" haqidagi taxminlar mutaxassislarda ko‘proq hayrat uyg‘otadi. Gap shundaki, bunday ta’sir faqat yuqori namlik sharoitida yuzaga keladi. Adsorbent qatlami tufayli taglikdagi chaqaloq terisi quruq bo‘lib qoladi. Doka va mato mahsulotlari haqida nima deyish mumkin? Bolani ho‘l yo‘rgakdan yechgan onalar ba’zan uning terisidan bug‘ chiqayotganini sezgan bo‘lishlari mumkin.



Bunday ishonarli dalillardan so‘ng faqat bitta savol qoladi – nima uchun Yevropada bepushtlikdan aziyat chekayotgan erkaklar soni ko‘paymoqda? Shifokorlarning ta’kidlashicha, so‘nggi yillarda muammo nafaqat xorijda, balki Rossiyada ham keskinlashgan, bu yerda taglik ishlatgan o‘g‘il bolalar avlodi hali ulg‘ayishga ulgurmagan. Shuning uchun ko‘proq chaqaloqlarni parvarish qilish vositalarini emas, balki zamonaviy erkaklar uchun umumiy bo‘lgan muammolarni keltirish mumkin – masalan, kamharakat turmush tarzi, ovqatlanish sifatining yomonlashishi va ruhiy-hissiy yuklamaning oshishi shular jumlasidan.

Teridagi qizarishi nima sababdan paydo bo‘ladi?
Tagliklardan to‘g‘ri foydalanish qoidalari

Bolani to’sish yoki tagliklardan foydalanmaslik. Afzalliklar va kamchiliklar

Bir martalik tagliklar va bepushtlik – afsonalarni yo‘qqa chiqaramiz

Biz burunni tozalaymiz, Tirnoqlarni olish, tagliklarni almashtiramiz-hamma narsani qanday qilib to'g'ri bajarish kerak va bolaga zarar bermaslik kerak?

"Stul" (hojat) haqida bilishingiz kerak bo‘lgan ma’lumotlar

Burunni tozalash, Tirnoqlarni olish, tagliklarni almashtirish-hamma narsani qanday qilib to'g'ri bajarish kerak va bolaga zarar bermaslik kerak?

Gigiyenik muolajalar chaqaloq hayotining muhim qismini tashkil etadi. Vaqt o‘tishi bilan onalar ularni tez va chaqqon bajarishga o‘rganib oladilar, ammo dastlab ko‘plab savollar tug‘ilishi mumkin. Parvarishning qaysi jihatlariga alohida e’tibor qaratish kerak?

Teri va shilliq qavatlarga qarov

Chaqaloqning terisi juda nozik va ta’sirchan bo‘lgani uchun ehtiyotkorlik bilan parvarish qilishni talab qiladi. Kichkintoyning har kuni ertalabki parvarish bilan boshlanishi kerak, bunga yuz-qo‘lini yuvish, burun va quloqlarini tozalash kiradi. Bu muolajalarni ovqatlantirishdan oldin yoki keyin bajarish mumkin.

- Yuvishni ko‘zlardan boshlang. Iliq qaynatilgan suvga botirilgan paxta bilan bolaning ko‘zini tashqi burchagidan ichki burchagiga qarab arting. Agar kipriklarda shafaq paydo bo‘lgan bo‘lsa, toza tampon olib, muolajani yana bir marta takrorlang. Ikkinchi ko‘z uchun yangi paxta ishlating.

- Quloqlarnu ham nam paxta bilan tozalang. Pediatrlar paxta tayoqchalaridan foydalanishni qat’iyan maslahat berishmaydi, chunki bu chaqaloqning quloq pardasini shikastlashi mumkin. Oxirida yuz va qo‘llarni nam paxta bilan arting, keyin ularni quruq sochiqcha bilan artib quriting.

- Burun 3-4 mm qalinlikdagi paxta o‘ram yordamida tozalanadi. Burun ichidagi qurigan shilimshiqni ketkazish uchun o‘ramni vazelin moyi bilan ho‘llang va uni bolaning burun teshigiga 1 sm dan ortiq bo‘lmagan chuqurlikka ehtiyotkorlik bilan kiriting. Ikkinchi burun teshigini yangi toza o‘ram bilan tozalang.

Tirnoqlarni olish

Bola o‘sgan tirnoqlari bilan o‘zini jarohatlashi mumkin. Bunday holat yuz bermasligi uchun muntazam ravishda uning tirnoqlarini olish kerak. Tirnoqlar uchi yumaloq qilib ishlangan maxsus qaychi bilan olinadi. Tirnoq chetlarida o‘tkir qirralar qolmasligiga e’tibor bering.
Tagliklarni almashtirish

Teridagi qizarishi nima sababdan paydo bo‘ladi?
Tagliklardan to‘g‘ri foydalanish qoidalari

Bolani to’sish yoki tagliklardan foydalanmaslik. Afzalliklar va kamchiliklar

Bir martalik tagliklar va bepushtlik – afsonalarni yo‘qqa chiqaramiz

Burunni tozalash, Tirnoqlarni olish, tagliklarni almashtirish-hamma narsani qanday qilib to'g'ri bajarish kerak va bolaga zarar bermaslik kerak?

"Stul" (hojat) haqida bilishingiz kerak bo‘lgan ma’lumotlar

Tagliklarni almashtirish

Hayotning dastlabki oylarida tagliklarni har 3-4 soatda almashtirish tavsiya etiladi. Buni yo‘rgaklash stolida yoki klеyonka to‘shalgan oddiy stolda bajarish qulay. Oddiy usul:

- Bolani chalqancha yotqizing,

- Taglikning yopishqoqlarini yeching va uni beldan bolaning jinsiy a’zolariga tomon ehtiyotkorlik bilan ichkariga o‘rang,

- Bolaning oyoqlarini ko‘taring. Taglikni dumba ostidan chiqarib oling, uni o‘rab, yopishqoqlar bilan mahkamlang.
Taglikni har gal almashtirgandan so‘ng chaqaloqni yuving yoki nam salfetkalar bilan arting, keyin 5-10 daqiqa davomida havoda quritish. Yangi taglikni kiyishdan oldin dumba terisiga va chov burmalariga bolalar kremi surting.

Yuvintirish va cho‘miltirish

Defekatsiyadan keyin bolani bolalar uchun mo‘ljallangan yuvish vositasi bilan yuvintirish, siyishdan keyin esa shunchaki suv bilan chayish maqsadga muvofiq. Bu muolajani vannada yoki tog‘orada bajarish mumkin. Iflos suv dumbadan jinsiy a’zolar sohasiga oqib tushmasligi uchun ham o‘g‘il bolalar, ham qiz bolalarni bir yo‘nalishda - oldindan orqaga qarab yuvintirish kerak. Bunda bolani chap qo‘lingizda qornini yuqoriga qilib ushlab turing, o‘ng qo‘lingiz bilan terisidagi iflosliklarni yuvib tashlang. Muolajadan so‘ng chaqaloqning terisini toza yo‘rgak bilan ehtiyotkorlik bilan quritish lozim.

Har kuni o‘zingizga qulay vaqtda cho‘miltirish tavsiya etiladi. Bu maqsadda ham maxsus bolalar vannasi, ham oddiy kattalar vannasi to‘g‘ri keladi. Bola uchun eng qulay suv chuqurligi 10-15 sm. Chaqaloqni asta-sekin vannaga tushiring, avval uning oyoqlarini, keyin butun tanasini suvga botirib boring. Qo‘lingiz bilan (gubka va qo‘lqopsiz) uning barcha burmalarini, qo‘l-oyoqlarini, qorinchasi va orqasini yuving. Oxirgi navbatda boshini chaying. Agar chaqaloqning boshida qatqaloqlar bo‘lsa, zamonaviy pediatrlar ularni olib tashlashni tavsiya etishmaydi - bu teriga infeksiya tushishiga olib kelishi mumkin. Haftada 2-3 marta bolalar uchun mo‘ljallangan yuvish vositalaridan foydalangan holda cho‘miltirish kerak.

Stul" (hojat) haqida bilishingiz kerak bo‘lgan ma’lumotlar

"Stul"ning xususiyatlarini kuzatish bolaning sog‘lig‘ini bilishning bir usulidir. Qaysi ko‘rsatkichlar me’yor hisoblanadi va qaysilari tashvishlanishga sabab bo‘lishi kerak?

Tug‘ilgandan so‘ng darhol o’rgatish

Chaqaloqlarda "normal stul" tushunchasi yosh o‘tishi bilan o‘zgaradi. Hayotning dastlabki 2-3 kunida bolalar axlati mekoniy - plastilin qoyamiga ega bo‘lgan to‘q, deyarli qora rangda bo’ladi. Mekoniy tarkibiga homila suvi, o‘t va bola bachadonida rivojlanish davridayoq uning ichagida to‘planib qolgan ko‘chgan epiteliy hujayralari kiradi. Bu aksariyat bolalar kuniga 2-3 marta taglik to’ldirishadi.

Ko‘krakka qo‘yilgani sayin bolaning ichi o‘zgarib boradi. 7-10 kunga kelib u qaymoqsimon qoyamga va sariq rangga ega bo‘ladi. Ba’zan shilimshiq bo‘laklari yoki quyqalari ko‘rinishi mumkin. Chaqaloq kuniga 5-8 martagacha kattalarday hojatga qilishni boshlaydi. Birinchi haftaning oxiriga kelib mekoniy chiqishda davom etayotgan yangi tug‘ilgan chaqaloqni pediatrga ko‘rsatish zarur

Ilk oylar

Asta-sekin bolaning ichagida ovqatni hazm qilishiga yordam beradigan foydali bakteriyalar paydo bo‘ladi. Uning axlati tez-tez va bir xil bo‘lib qoladi. 6 haftadan so‘ng, onaning og‘iz suti to‘liq yetilgan sutga aylanganida, axlat sonining kamayishi kuzatiladi va kuniga 3-6 martagachani tashkil qiladi.
Sun’iy ovqatlantirilayotgan chaqaloqlarda ich kelishi emizikli chaqaloqlarga qaraganda kamroq bo’lib, sutkasiga 2-3 martni tashkil qiladi. Buning sababi shundaki, ona sutida yumshatuvchi ta’sirga ega bo‘lgan maxsus fermentlar mavjud.

Teridagi qizarishi nima sababdan paydo bo‘ladi?
Tagliklardan to‘g‘ri foydalanish qoidalari

Bolani to’sish yoki tagliklardan foydalanmaslik. Afzalliklar va kamchiliklar

Bir martalik tagliklar va bepushtlik – afsonalarni yo‘qqa chiqaramiz

Biz burunni tozalaymiz, Tirnoqlarni olish, tagliklarni almashtiramiz-hamma narsani qanday qilib to'g'ri bajarish kerak va bolaga zarar bermaslik kerak?

"Stul" (hojat) haqida bilishingiz kerak bo‘lgan ma’lumotlar

Ehtimoliy og‘ishlar

Chaqaloqlarda ko‘pincha quyidagi muammolar kuzatilishi mumkin:

– Qabziyat. Bu holat 2 va undan ortiq kun davomida axlat kelmasligini anglatadi. Ba’zan defekatsiyaning biroz kechikishi onaning noto‘g‘ri ovqatlanishi yoki bolaning asabiy qo‘zg‘aluvchanligi bilan bog‘liq bo‘lishi mumkin. Shuning uchun agar muammo bir martalik bo‘lsa, xavotirlanishga hojat yo‘q. Agar qabziyat muntazam takrorlansa, mutaxassis bilan maslahatlashish kerak.


– Achchiq hidli ko‘pikli ich kelishi. Bu laktoza yetishmovchiligi mavjudligidan dalolat berishi mumkin. Ko‘p hollarda muammoni parhez yordamida hal qilish mumkin.

– Yashil axlat. Faqatgina bolada tana haroratining ko‘tarilishi, terining oqarib ketishi, qusish paydo bo‘lishi bilan birga kelgan taqdirdagina noodatiy holat yoki kasallikka ishora hisoblanadi. Buning sababi, odatda, ichak infeksiyasi hisoblanadi.



– Axlat miqdorining kamayishi va qorayishi. Ko‘pincha bu bolaning yetarli ovqatlanmayotganini ko‘rsatadi.
Ota-onalar uchun vaziyatga qarab, ularning nazarida "noto‘g‘ri" bo‘lgan ich kelishi me’yorning bir ko‘rinishi sifatida ham baholanishi mumkinligini tushunish muhimdir. Shuning uchun bolani hech qachon mustaqil ravishda davolash kerak emas. Ishni mutaxassis bilan maslahatlashishdan boshlash lozim.

Qo‘shimcha ozuqa kiritilganidan so‘ng

Ratsionni o‘zgartirish ich kelishi chastotasining sutkasiga 1-2 martagacha kamayishiga olib keladi. Bolaning axlat massasi quyuqroq, yoqimsiz hidli va jigarrang tusga kiradi. Dastlabki paytlarda ularda meva va sabzavotlarning hazm bo‘lmagan bo‘laklari ko’zga tashlanishi mumkin. Tana yangi oziq-ovqatni o‘zlashtirishga moslashmaguncha, bu normal hisoblanadi va ota-onalarni tashvishga solmasligi kerak.